ភ្នំពេញ : ជំនួយថ្នាំវ៉ាក់សាំងការពារកូវីដ១៩ ស៊ីណូហ្វាម លើកទី៣ របស់រដ្ឋាភិបាលចិន ចំនួន៤០ម៉ឺនដូសទៀតនឹងដឹកមកដល់កម្ពុជានាថ្ងៃទី២៨ ខែមេសា ឆ្នាំ២០២១ បន្ទាប់លើកទី១ បានដឹកមកដល់ថ្ងៃទី០៧ ខែកុម្ភៈ ចំនួន ៦០ម៉ឺនដូស និងលើកទី២ បានដឹកមកដល់ថ្ងៃទី៣១ ខែមីនា ចំនួន ៧០ម៉ឺនដូស។ នេះបើតាមការឱ្យដឹងពីមន្ត្រីជាន់ខ្ពស់ក្រសួងសុខាភិបាលលោកស្រី យក់ សម្បត្តិ។

គិតមកដល់បច្ចុប្បន្ននេះកម្ពុជា ទទួលបានវ៉ាក់សាំងចំនួនជិត ៤លានដូសរួចមកហើយ ដែលភាគច្រើនគឺជាជំនួយ និងបញ្ជាទិញពីរដ្ឋាភិបាលចិន។ វ៉ាក់សាំងដែលកម្ពុជាទទួលបានរួចនោះរួមមាន៖ វ៉ាក់សាំងស៊ីណូហ្វាម ជាជំនួយរបស់រដ្ឋាភិបាលចិនចំនួន ១.៣លានដូស, វ៉ាក់សាំងស៊ីណូវ៉ាក់ ទិញពីប្រទេសចិន ចំនួន ២លានដូស និងវ៉ាក់សាំងអាស្ត្រាហ្សេនីកា ជំនួយរបស់ខូវ៉ាក់ តាមអង្គការសុខភាពពិភពលោកចំនួន ៣២៤,០០០ដូស៕